Umuhanzi Papi Clever agiye kurushingana n'uwahoze ari umuriribyi wa korari Goshen, Ingabire Abeza Dorcas.

Papi Clever; Umuhanzi mu ndirimbo zo kuramya no guhimbaza Imana ukunzwe cyane mu ndirimbo zitandukanye cyane cyane izo mu gitabo, atangije umushinga w'ubukwe akaba yerekanywe mu itorero rya karere ka Musanze, ADEPR Muhoza, kuri uyu wa 15 Nzeri2019

Akaba agiye kurushinga n'umukobwa witwa Ingabire Dorcas wakuriye muri korali Goshen kuri ADEPR Muhoza yagezemo akiri umwana muto aho yagiriye ibihe byiza.

Mbere y'uko agera muri Goshen, Ingabire Dorcas yabaga muri korali yabana ikorera umurimo w'Imana mw'itorero rya ADEPR, Akarere ka musanze. Abeza Dorcas afite indirimbo nyinshi za korali Goshen yagiye ayobora, zimwe muri zo zikaza no gukundwa cyane.

Ingabire Dorcas ni muntu ki? Uyu yize amashuri ye abanza ku rwunge rwa mashuri rwa Muhoza ya mbere (GS Muhoza 1) mu karere ka Musanze aza no kuhakomereza amashuri yisumbuye y'icyiciro rusange aho yavuye akomereza mu kigo cy'amashuri cyisumbuye cya APICUR. Yagiye afasha abantu benshi batandukanye mu miririmbire, dore ko nawe ari umukobwa ufite igikundiro akesha impano ye yo kuririmba

Akimara kwerekeza mu mujyi wa Kigali, Uyu Mukobwa ufite ubuhanga mu kuririmba akaba yarakiriwe na korali Hoziyana nayo kugeza ubu afitemo ibihe byiza nk'uko bitangazwa nabo babanye bakorana umurimo. Kuri ubu, Dorcas agiye kurushinga n'umwe mu baramyi bakomeye mu gihugu cyacu cy'u Rwanda.

Papi Clever akunzwe mu ndirimbo zitandukanye zirimo; Icyampa ukanyikorerera, Ai Mana y'ukuri, Mana nduburira, Amakuru y'umurwa, Kubana na Yesu, Yanyishyuriye, Nabonye umukunzi mwiza, Uwo njya nikomezaho n'izindi nyinshi zo mu gitabo agenda akora mu buryo bufasha abantu benshi kurushaho gusabana n'Imana binyuze mu kuyiramya. Papi Clever; Umuhanzi mu ndirimbo zo kuramya no guhimbaza Imana ukunzwe cyane mu ndirimbo zitandukanye cyane cyane izo mu gitabo, atangije umushinga w'ubukwe akaba yerekanywe mu itorero rya karere ka Musanze, ADEPR Muhoza, kuri uyu wa 15 Nzeri 2019.

Icyo Hanorwanda.com tutaramenya neza ni icyaba cyateye abageni kuterekanwa mu materaniro yose nk'ibisanzwe, gusa turakeka ko byatewe n'urugendo rurerure rwakozwe n'umusore n'abamuherekeje, dore ko baje baturutse mu mujyi wa Kigali







Umwanditsi
reporter

Nshimiyimana Jeangugu

Inkuru ivugira umuturage, ndetse igafasha Abanyarwanda kujijuka no kwiteza imbere, niyo nshyize imbere mu kazi nkora.



Inkuru zijyanye n'iyi

Ibitekerezo byatanzwe Tanga Igitekerezo.

Fredy
15-Sep-2019
Imana ihe umugisha aba bombi biyemeje kurushinga bazabe amahoro
15-Sep-2019
15-Sep-2019

Tanga igitekerezo