Coronavirus: OMS yashyize ahagaragara urutonde rw' ibihugu bya Afrika bifite ibibazo byinshi bya COVID-19

Ishami ry'Umuryango w'Abibumbye ryita ku Buzima (OMS) rivuga ko muri Afurika hagaragaye abantu barenga 21.000 barwaye coronavirus.

Kuri uyu wa 20 Mata 2020, Uyu muryango wakoze urutonde rw'ibihugu by'Afurika bifite iyi ndwara yica hamwe n'umubare w'abantu bavuzwe ko bamaze kwandura icyorezo cya Covid_19.

Ku rutonde rwayo, OMS yerekanye ko indwara zemewe na Nigeriya zigera kuri 541, ibi byerekana ko urutonde rwakozwe mbere yuko ikigo cya Nigeriya gishinzwe kurwanya indwara (NCDC) gitanga amakuru yacyo ku ndwara y' icyorezo cya Covid_19.

Raporo ya NCDC ivuga ko nko ku cyumweru, tariki ya 19 Mata, ku isaha ya saa kumi n'ebyiri n'iminota 50 z'umugoroba, muri Nijeriya yemeje ko hari abantu 627 bafite indwara ya coronavirus.

Ku rutonde rwashyizwe ahagaragara na OMS, Afurika y'Epfo ifite abantu 3,158 bemeje ko banduye coronavirus, Alijeriya ifite 2,629, Gana ifite 1,042, naho Kameruni ifite 1.016.

Mu gihe afurika ikomeje kugaragaramo nayo ikibazo cy' icyorezo cya Covid_19, abaturage bakomeje gusambwa na guverinoma z' ibihugu byabo kubahiriza amabwiriza n' ingamba bahawe zo kwirinda Covid_19.







Umwanditsi
reporter

Dushimimana Jacques

Inkuru ivugira umuturage, ndetse igafasha Abanyarwanda kujijuka no kwiteza imbere, niyo nshyize imbere mu kazi nkora.



Inkuru zijyanye n'iyi

Ibitekerezo byatanzwe Tanga Igitekerezo.

Tanga igitekerezo